ඔබ කවදා හෝ උදේ පාන්දර රියදුරු බලපත්‍රය අතේ තියාගෙන, තදබදයේ මැද්දේ පොලිස් කෙනෙක්ගෙන් “spot fine” එකක් ගත්තද? එහෙම ගත්තම ඊළඟට එන හිසරදය තමයි දඩය ගෙවන්න තැපැල් කාර්යාලෙකට යන එක. රැ එකේ ඉඳන් රිසිට් එකත් අරගෙන ආපහු පොලිස් ස්ථානයට යන්න වෙනවා. මේක ලංකාවේ රියදුරන්ට දැනෙන ලොකුම අපහසුතාවයක්.

ඒත්, හෙට ඉඳන් (අප්‍රේල් 11, 2025) මේ වැඩේ වෙනස් වෙන්න යනවා කියලා ඔබ දැනගත්තද?ඔව්, ශ්‍රී ලංකා පොලිසිය මේකට ඩිජිටල් විසඳුමක් ගේනවා! “GovPay” කියන මොබයිල් ඇප් එක හරහා ඔන්ලයින් විදියට spot fine ගෙවන්න පුළුවන් වෙනවා. ඒ කියන්නේ, තැපැල් කාර්යාලෙකට යන්නෙ නැතුව, ඔබේ ජංගම දුරකථනයෙන්ම දඩය ගෙවලා, රිසිට් එකත් ඩිජිටල් විදියට ගන්න පුළුවන්. ඊට පස්සේ ඒක පෙන්නලා රියදුරු බලපත්‍රය ආපහු ගන්න තමයි ඉතිරි වෙන්නේ. කොච්චර පහසුද?මේක ඇත්තටම අලුත්ම දෙයක් නෙවෙයි. 2025 අප්‍රේල් 10 වෙනකොටත්, මේ ක්‍රමය කුරුණෑගල-අනුරාධපුර මාර්ගයේ තෝරාගත් තැන් 11කදී අත්හදා බලලා තිබුණා.

ඒ අත්හදා බැලීමේ ප්‍රතිඵල බලලා, දැන් රට පුරාම මේක ක්‍රියාත්මක කරන්න යන බව තමයි ආරංචිය. අප්‍රේල් 30 වෙනකම් මේක ටෙස්ට් කරලා, ඒකේ සාර්ථකත්වය අනුව තවත් වැඩිදියුණු කරන්නත් බලාපොරොත්තු වෙනවා.ඒත් මේකෙන් වෙන්නේ මොකක්ද? එකක් තමයි කාලය ඉතුරු වෙන එක. උදේ ඉඳන් රෑ වෙනකම් තැපැල් කාර්යාලයක රැ එකේ ඉන්න ඕනෑ නැති වෙනවා. තව එකක් තමයි, ලංකාවේ රජයේ සේවාවන් ඩිජිටල්කරණය වෙලා, ජනතාවට ඒවා ලේසි වෙන එක. ඔබේ ජංගම දුරකථනයෙන්ම මේ වැඩේ කරගන්න පුළුවන් වුණාම, ඒක ජීවිතේට එකතු වෙන ලොකු පහසුවක්.

ඒ වගේම, මේක තවමත් පරීක්ෂණ මට්ටමේ තියෙන්න පුළුවන්. ඒ නිසා, හෙට ඉඳන් රටේ හැම පොලිස් ස්ථානයකම මේක වැඩ කරයිද කියලා 100%ක් කියන්න බෑ. ඒත්, ලංකාවේ රියදුරන්ට මේක ලොකු වෙනසක් ගෙන එයි කියලා නම් සහතිකයි.ඔබත් මේ ගැන තවත් දැනගන්න ඕනෑ නම්, ශ්‍රී ලංකා පොලිසියේ වෙබ් අඩවියට හෝ ICTA (Information and Communication Technology Agency) එකට ගිහින් බලන්න. “GovPay” ගැන තව තොරතුරු එතනින් ලැබෙයි. මේ වෙනස ගැන ඔබේ අදහස මොකක්ද?

කමෙන්ට් එකකින් කියන්න!